Erakusketak Nafarroari beste ikuspegi batetik egindako omenaldia izan nahi du, kolore bizi eta deigarriekin margotutako koadroen bidez. Iparraldetik hegoalderako ibilbidea eskaintzen du, Nafarroako hainbat toki eta monumentu enblematikotan barrena. Leku esanguratsuetara bidaia, Nafarroako paisaiaren aniztasuna eta edertasuna islatzeko. Bi tamainatako mihiseak dira, 116x73 cm formatukoak eta 65x54 cm-koak, tenpera teknikaz margotuak.
Ez da lehen aldia Atenaren erakusketa bat jartzen dutela Gazteriaren Etxean. 2014, 2015 eta 2016an Delaunay, Romero Britto eta Matisse margolariei buruzko tailer monografikoetan egindako lanak erakutsi zituzten.
Atena irabazi asmorik gabeko fundazio pribatu bat da, desgaitasunen bat duten pertsonen senitarteko talde batek sortua 2001ean, euren garapen integrala sustatzeko, artearen bidez, haien bizi kalitatea hobetuz eta haien bizi proiektuan aurrera egiten lagunduz.
Artea eta pedagogia uztartzeko helburuarekin sortu zen, artearen bidez giza ahalmenak adierazteko aukera ematen du eta jarduera intelektualaren, sentsibilitatearen eta gorputz adierazpenaren arteko harreman estua agerian uzten du. Horrela, pertsona guztien integrazioa bultzatzen du, haien adina, sexua, egoera soziala, psikologikoa edo fisikoa edozein dela ere. Gainera, artea komunikaziorako, adierazkortasunerako eta hunkigarritasunerako baliabidea da, kasu honetan adimen urritasuna duten pertsonentzat.