Ana Lizoain, 44 urteko iruindarra, arropa diseinatzaile, ekoizle eta saltzailea izanen da alkate izateko hautagaia Aranzadiren izenean.
Ana Lizoainen atzetik datozen hautagaiak Armando Cuenca, Laura Berro, Alberto Labarga, Margarita Agudo, Aitor Balbas, Arantxa Alonso, Manuel Millera, Jessica Olague, Joel Dozzi, Francisco Espinosa, Javier Lasterra, Pedro Larreta eta Jesús Masa dira.
Zerrenda osatzeko antolatu ziren hauteskunde primarioetan 257 pertsonak eman zuten izena aldez aurretik prozesuan parte hartu ahal izateko. Internet bidez zein modu presentzialean Aranzadiren egoitzan botoa emateko aukera izan dute.
Udal hauteskundeetara aurkezteko abal gisa beharrezkoak dituzten 3.000 sinaduren bila dabiltza egunotan Arantzadi ekimeneko partaideak. Twitter bidez jakinarazi dutenez kanpainaren lehen egunetan 500 baino gehiago lortu dute jada.