Fermin Erbiti
Heldu den larunbateko manifestazioaren antolatzaileek euskaraz bizitzeko eskubidea aldarrikatuko duten 10.000 lagun bildu nahi dituzte Iruñeko karriketan. Hala esan zuten lehengo eguneko prentsaurrekoan. Eta esan bazuten, arrazoiren bat izanen zuten kopurua mahai-gainean jartzeko, eta zenbaki hori esateko.
Niri, egia esan, hanka sartze bikoitza iruditu zitzaidan: bata, zenbakia bota behar zela pentsatzea; bestea, aukeratu zutena mahai-gaineratzea.
Baina, tira, kontua da, zenbaki hori bota bazuten ere, manifestazio handia, oso handia egin nahi dutela. Azken urteotako ekaitzaren ondotik, 10.000 lagunetik gorako manifestaziorik egiteko gauza ez bagara, porrota handia litzateke, batez ere hainbeste erasoren ondorioz kikildurik bizi garen euskaltzaleok pizgarria behar dugulako, gurea jende askoren kezka dela erakutsi behar diegu. Eta ez bakarrik agintariei, baita hizkuntza bere tribu bazterrekora mugatu nahi dutenei ere.
Larunbatekoa horretan hasteko aukera paregabea izan daiteke.
[audio http://euskalerriairratia.com/wp-content/uploads/2010/05/ferminerbiti20100512.mp3]