Osteguna, abenduak 19

18:00

Ipuin kontalaria: 'Zein pertsonaia da?'

Arrosadiako liburutegi publikoan Maitane Perez ipuin kontalariak Zein pertsonaia da? kontatuko die lau eta zortzi urte bitarteko haurrei.  Arratsaldeko 18:00etan, liburutegian, aldez aurretik izena emanda.

19:00

Irakurle taldea: 'Ez zen diruagatik'

Emakume zakar eta zabar samarra da Olga, ez lanik, ez dirurik, gaztarotik urruntzen eta etorkizunik gabeko harreman erdipurdiko batean kateatua dagoena. Pisukidea du Dani, etxetik ihes egin eta zerbitzari gisa lan egiten duen gaztetxoa. Eta hiruki atipikoa osatzera dator Mikel. Ana Jakak idatzitako Ez zen diruagatik hala abiatzen da. Eta horixe aztertuko dute Sanduzelaiko irakurle taldean, Juantxo Urdirozen gidaritzapean. Arratsaldeko 19:00etan Sanduzelaiko Civivoxean.

19:30

'Pleibak', bertso-saio literarioa

Miren Amurizak testuak eta gaiak jarri ditu, Miren Narbaizak musika eta Saio Alkaiza eta Nerea Ibarzabalek ahotsa jarriko dute, kantuan. Pleibak izeneko bertso-saio literarioa antolatu dute, Laban, arratsaldeko 19:30ean.

20:30

HOTSegunak: Xabier Badiola

Zaldiko Maldikok Xabier Badiola folk bakarlaria ekarriko du HOTSegunak programaren baitan. Arratsaldeko 20:30ean hasiko da kontzertua Zaldikon.