Asteazkena, otsailak 28

19:00

Liburu aurkezpena: 'Sahara, herri bat erresistentzian'

Sahara, herri bat erresistentzian liburua aurkeztuko du Kristina Berasain kazetariak. "Kazetaritza kronika bat da, ez da historia eta geopolitika hutsa. Historia handi hori historia txikiz harilkatu dut", azaldu du Berasainek.  Arratsaldeko 19:00etan izango da aurkezpena, Nafarroako Liburutegian; Hiru emakume, hiru begirada Mendebaldeko Saharen alde zikloaren barruan antolatutako jarduera da.

19:00

Bertsoaroa: bertso saio espekulatiboa

Bertsoaroaren azken aurreko saioa bertso saio espekulatiboa izanen da; Etorkizuna bertsotan pentsatzen. Arratsaldeko 19:00etan, Nafarroako Antzerki Eskolan, Miren Amuriza, Sustrai Colina eta Unai Iturriaga ibiliko dira bertsotan eta Maite Berriozabal gai-jartzaile. Sarrerak 5 eurotan salgai NAEren webgunean (14 urte artekoak doan).

19:00

21:00

'Lumineszenteak' erakusketa

Igone Mariezkurrena kazetariaren eta Irantzu Pastor argazkilariaren proiektua da Lumineszenteak. Burlatako Kultur Etxean egongo da ikusgai otsailaren 8tik 28ra bitartean, eta gaur, 8an, egileek egingo dute aurkezpena.

19:00

19:00

Antsoain Komiki Boom!!

Komiki Boom!! egitasmoaren bosgarren edizioa eginen dute Antsoainen otsailaren 19tik martxoaren 1era. Bi erakusketa egonen dira ikusgai: Angela Eferen Mierdiaria eta Andrea Ganuzaren Atraviesame. Bestalde, euskarazko hiru ilustrazio lanen aurkezpena egingo da otsailaren 21ean, 24an eta 29an. Hurrenez hurren, Iris XXI (Julen Ribas), Gora euskal herrientsak (Asisko Urmeneta) eta Utzi azalari (Ainara Azpiazu).

16:30

20:00

Erakusketa: 'Munduari bira eman zion ontzia'

Munduari bira eman zion ontzia eleberri ilustratua plazaratu du Joseba Sarrionaindiak eta liburuan aurkezten diren irudi eta posterrak bildu dituzte erakusketa antolatzeko. Otsailaren 22tik martxoaren 9ra arte luzatu dute epea eta egongo da ikusgai Iruñeko Planetarioan. Goizez zentroentzako bisitak antolatuko dira, eta arratsaldez, 16:30etik 20:00etara publikoari irekita egongo da.