Bazen behin... ipuin kontaketa egingo du Maitane Perezek ordubetez. Istorio berri eta zirraragarriak kontatuko dizkie txikiei, mota eta toki guztietakoak; 4 eta 8 urte bitarteko haurrei zuzendiuta dago jarduera. Izen-ematea biblimil@navarra.es helbidean edota 948 24 54 60 zenbakira deituz.
Xiberua, kantu loraturik Loraldiaren produkzio berria da, Zuberoako kantu tradizionala ikuspegi garaikidez blaiturik eszenaratuko duen sentikaria. Basa-aireak, kantuak eta irudiak uztartzen dituen ikuskaria. Arratsaldeko 19:00etan Gaiarren Antzokian. Sarrerak zazpi euroan.
Sanduzelaiko Liburutegi Publikoan, euskarazko irakurle txokoan, Fertxu Izquierdok ... eta gauetik, euria bere azken eleberria aurkeztuko du eta ondoren eztabaidatuko dute. Arratsaldeko 19:00etan izango da eta publiko osoari zabalik egongo da jarduera.
Bertsoaroaroaren programazioan bertso jaialdia eginen dute ostegunean. Arratsaldeko 19:00etan abiatuko da saioa, Nafarroako Antzerki Eskolan. Sarrerak 5 eurotan salgai NAEren webgunean. Andoni Egaña, Ane Zuazubiskar, Joanes Illarregi, Jone Uria, Saats Karasatorre eta Xabat Illarregi izanen dira bertsolariak. Eta, gai-jartzailea Ainhoa Larretxea arituko da.
Igone Mariezkurrena kazetariaren eta Irantzu Pastor argazkilariaren proiektua da Lumineszenteak. Burlatako Kultur Etxean egongo da ikusgai otsailaren 8tik 28ra bitartean, eta gaur, 8an, egileek egingo dute aurkezpena.
Komiki Boom!! egitasmoaren bosgarren edizioa eginen dute Antsoainen otsailaren 19tik martxoaren 1era. Bi erakusketa egonen dira ikusgai: Angela Eferen Mierdiaria eta Andrea Ganuzaren Atraviesame. Bestalde, euskarazko hiru ilustrazio lanen aurkezpena egingo da otsailaren 21ean, 24an eta 29an. Hurrenez hurren, Iris XXI (Julen Ribas), Gora euskal herrientsak (Asisko Urmeneta) eta Utzi azalari (Ainara Azpiazu).
Munduari bira eman zion ontzia eleberri ilustratua plazaratu du Joseba Sarrionaindiak eta liburuan aurkezten diren irudi eta posterrak bildu dituzte erakusketa antolatzeko. Otsailaren 22tik martxoaren 9ra arte luzatu dute epea eta egongo da ikusgai Iruñeko Planetarioan. Goizez zentroentzako bisitak antolatuko dira, eta arratsaldez, 16:30etik 20:00etara publikoari irekita egongo da.