Arrosadiako liburutegiko irakurle taldeak Erabili goldea hilen hezurren gainetik Olga Tokarczuken liburua izango du hizpide. Amaia Apaulaza liburuaren itzultzaileak gidatuko du saioa, arratsaldeko 18:30ean.
Joseba Sarrionaindiaren Munduari bira eman zion ontzia liburua aurkeztuko dute Iruñeko Planetarioan. Sarrionaindiak berak eta proiektuaren sortzaile Oihane Garmendiak eta Mirentxu Oteizak egingo dute solasaldia. Arratsaldeko 19:00etan, Iruñeko Planetarioan.
Igone Mariezkurrena kazetariaren eta Irantzu Pastor argazkilariaren proiektua da Lumineszenteak. Burlatako Kultur Etxean egongo da ikusgai otsailaren 8tik 28ra bitartean, eta gaur, 8an, egileek egingo dute aurkezpena.
Komiki Boom!! egitasmoaren bosgarren edizioa eginen dute Antsoainen otsailaren 19tik martxoaren 1era. Bi erakusketa egonen dira ikusgai: Angela Eferen Mierdiaria eta Andrea Ganuzaren Atraviesame. Bestalde, euskarazko hiru ilustrazio lanen aurkezpena egingo da otsailaren 21ean, 24an eta 29an. Hurrenez hurren, Iris XXI (Julen Ribas), Gora euskal herrientsak (Asisko Urmeneta) eta Utzi azalari (Ainara Azpiazu).