Osteguna, otsailak 15

19:00

PALESTINA komikiaren aurkezpena

Joe Saccoren PALESTINA komikia itzuli du Julen Gabiriak. Jaume Gelabertek aurkeztuta, Gabiriak berak komikia aurkeztuko du Hizkuntza Eskolako Areto Nagusian, arratsaldeko 19:00etan. Karrikirik eta Astiberrik antolatuta, Hizkuntza Eskola eta Iruñeko Udalaren zein Foru Gobernuaren laguntzarekin antolatutako jarduera da.

20:00

Antzerkia: 'Kortxoaren dilema'

Endreduzko thriller politikoa da Kortxoaren dilema. Protagonista 70 urteko irakaslea da, Etika eta Filosofia Politikoan katedradun jubilatua, ezkertiarra, polemikoa eta itzal handikoa. Pronostiko txarreko minbizia dauka, baina sendatzeko aukera sortu da ezustean. Aberats ospetsu batek osasun sistema publikoari dohaintzan eman duen radioterapia ekipamendu batean tratamendua har dezake. Gaur hartu du erabakia. Publikoki iragartzera doan unean, ezezagun bat, bere ikaslea (60 urte) izandako bat agertuko zaio ezustean. Aspaldiko kontuak garbitzera dator... Arratsaldeko 20:00etan hasiko da emanaldia; sarrerak 10 euroan lehiatilan eta online.

20:00

Bakarrizketa: 'Bihotz, bi hots, bi txotx!'

Bihotz kontutan burua galtzen dut maiz. Zein ez da galdu inoiz maitasun kontutan? Bakarrizketa hau lehenengo pertsonan idatzita dago. Garawi Cejotak (Garazi San Martín Boj) bere maitasun istorioak kontatuko ditu umorea ardatz nagusia izanik.  Arratsaldeko 20:00etan Monton tabernan. 

19:00

21:00

'Lumineszenteak' erakusketa

Igone Mariezkurrena kazetariaren eta Irantzu Pastor argazkilariaren proiektua da Lumineszenteak. Burlatako Kultur Etxean egongo da ikusgai otsailaren 8tik 28ra bitartean, eta gaur, 8an, egileek egingo dute aurkezpena.

10:00

14:15

Zientziarekin jolasten

Otsailaren 13tik 15era haurrentzako tailerrak antolatu dituzte Biltokin: Zientziarekin jolasten tailerrak. 5 urtetatik aurrerako txikientzat. Bi talde egongo dira: 10:00-12:00 eta 12:15-14:15 bitarte. 3 egunak 9 euroko prezioa dute eta aldez aurretik izena eman behar da otsailaren 8a baino lehen.