Larunbata, urtarrilak 13

11:00

Tailerra: Lanpara lore prentsatuekin

Familientzako tailerra antolatu dute Iturramako Civivoxean, goizeko 11:00etan. Lanparak sortuko dituzte lore prentsatuekin. Prentsatutako loreak elementu ezin hobeak dira ia edozer apaintzeko. Tailerrean kristalezko poteak erabiliz lanpara txikiak sortuko dituzte haurrek. 6 eta 11 urte bitarteko haurrentzako jarduera da, heldu batez lagunduta. 

18:00

Ipuin kontalaria: 'Liburu magikoa'

Txikitan abandonatutako etxe batean sartu ondoren, ipuin kontalariak liburu magiko bat eskuratu zuen. Horren laguntzaz, Lolo ezagutuko dugu, ohe azpian bizi den munstro bat, haurren beldur dena, eta Margarita, gaiztakeriarik egiteko gai ez zen sorgina. 4 urtetik gorako haurrei zuzenduta, heldu batek lagunduta. Sarrera doako da eta aldez aurretik izena eman behar da. Emanaldia, arratsaldeko 18:00etan. 

19:30

Tu-tum, Platz!

Jon Plazaola bere sorlekura, bere sehaskara itzuli da Tu-tum, Platz! umorezko ikuskizun berriarekin. Taula gainean bere lehen agerraldia egin zuenetik 23 urte pasa diren honetan, berriz ere stand Up formatuko bakarrizketari heldu dio, hori bai, “23 urte zaharrago, 23 urte jakintsuago eta 23 urte kabroiago”, ikuskizunaren promozio esku orriak zehazten duenez.  Arratsaldeko 19:30ean, 8 euroan eta lehiatilan bertan 10 euroan.

20:00

Olaia Inziarte, Totemen

Olaia Inziarte etena ez da dena biran Totem Aretoko oholtzara igoko da urte hasieran.  Arratsaldeko 20:00etan hasiko da kontzertua eta Esther izango da kontzertuko artista gonbidatua. Sarrerak 10 euroan eskura daitezke.

10:00

Erakusketa: 'Euskara Ezkabarten: paperetik ahora'

Otsailaren 2ra arte izanen da ikusgai erakusketa. Gainera, ekintza osagarri gisa bisita gidatu irekia eta bertso-saioa antolatu dira urtarillaren 18an. Erakusketaren helburua Iruñerriko euskarari begirada zabala ematea da, Ezkabarteko testuak abiapuntu gisa hartuta: garai zaharretako idazkietatik hasita, testu erlijiosoak, ordenantzak eta bestelako idazkiak bai eta azken hiztunak eta euskararen gaur egungo egoera ere. Erakusketaren ordutegia astelehenetik ostiralera, 10:00-21:00 bitartean izango da.