Nafarroako Bertsolari Txapelketaren aurrekanporaketa jokatuko dute arratsaldeko 18:30ean, Larraungo gabari gune irekian. Parte hartzaileak Beñat Astiz Isasi, Etxahun Azkarraga Fernandez, Fernando Ziganda Urdanpilleta, Mintxo Astiz Goñi, Peio Ardaiz Gale eta Urko Gartzia Aleman izango dira; gai-jartzailea, Alaitz Rekondo Ferrero. Epaileak Joseba Beltza Bengoetxea, Cesar Etxeberria, Aimar Sagastibeltza eta Amaia Telletxea izango dira.
Iritsi da azkenean irrikaz itxaroten ari ginen Alarma deituriko Su Ta Gar-en diska berria. 11 kantaz osaturik eta 60 min. inguruko iraupenarekin, Su Ta Gar-ek oraingoan ere asmatu duela esan dezakegu. Totem aretoan arratsaldeko 20:00etatik aurrera.
Epìzentroa Labaren mikroerakusketa gunean erakusketa aldatzeko garaia iritsi da eta maiatzaren bukaerara arte Oier Zuñiga artistaren lanak egongo dira ikusgai. Aurkezpena, asteazkenean, maiatzaren 3an, arratsaldeko 19:00etan, Laban.