Joan den urteko abenduaren 1etik kudeatzen du Elizondoko zahar etxea Baztango Udalaren Zaintza Lanak Baztan agentziak. Esku publikoetara pasa da lan hori hamalau urtez esku pribatuetan egon ostean: "Irabazi asmoak zituen enpresa batek kudeatzetik Udalak inolako irabazirik gabeko gidaritzara pasatzeak denok egiten gaitu garaile", esan du Fernando Anbustegi Baztango alkateak. 155 egoiliarrentzat tokia du Frantzisko Joakin Iriarte adinduentzako etxeak eta egun 115 pertsona daude bertan: "Apirilean egokitzapen eta doikuntza lanak eginen dira zentroan eta azpiegitura berrian egoiliar gutxiago sartuko dira. Horregatik, piskanaka hasi dira zenbait erabiltzaile lekuz aldatzen. Asko Baztandik kanpokoak dira eta Nafarroako Gobernuarekin ari dira aldaketa hori egiten", azaldu du Anbustegik. Euskalerria Irratian egindako elkarrizketa osorik entzun daiteke argazkian klik eginda.
Fernando Anbustegi: "Elizondoko adinekoentzako erresidentzian egoiliarrak jarri ditugu erdigunean"
Baztango Udalak kudeatuko du Elizondoko zahar etxea: "Kalitatea gailenduko da beste ezeren gainetik. Udalak ez du irabazi asmorik orain arte enpresa pribatuak zuen moduan eta hartara denok aterako gara garaile", azaldu du Baztango alkate Fernando Anbustegik. Abenduaren 1etik ari da Zaintza Lanak Baztan agentzia publikoa adinduen etxea gidatzen. Apirilean azpiegitura lanak eginen dituzte erabiltzaileentzako egokitzeko asmoz.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
Bazkidetu zaitez!