Duela hiru urte Nafarroako Gobernuak Suhiltzaileen Gidari Laguntzaile eta Suhiltzaile-peoi Laguntzaile plazak sortu behar izan zituen. Egonkortze prozesuan daude lanpostu horiek epai judizial batzuen ondorioz. Horien arabera, baso-kanpainen beharrak betetzeko egiten ari kontratuek lege iruzurra zekarten, epaiaren arabera, baso-suhiltzaileen lan-harremana finkoa edo aldizkako mugagabea baitzen. Horrekin batera, Nafarroako Gobernuak Foru Legea ere aurkeztu zuen 2022an. Baso-suhiltzaileen plazak ez dira lanaldi osoko lanpostuak. Suhiltzaileen Zuzendaritzarekin eta Barne Zuzendaritza Nagusiarekin bilerak egin dituzte eta eskaerak egiten segitzen dute: negoziazioa nahi dute egonkortze duin bat lortzeko.
Egonkortze prozesua ezinbestekoa iruditzen zaie: langile horiek ahalbidetu dezaketelako Nafarroako mendi eta basoen zaintza eta euren lana profesionalizatuko litzatekeelako. Udako suteak ekiditeko ezinbestekoa delako neguan prebentzio neurriak hartzea.