Ekoizpen-kostuak etengabe ari zaizkie handitzen esne ekoizleei. Zerealen prezioak 2020tik %90 igo da, eta esnearen truke jasotzen dutenak igoera txiki bat izan duen arren, ez da bideragarria dagoeneko jaien jarduna. 40 zentimo ordaintzen diete litro bakoitzeko.
"Administrazioari ez diogu diru-laguntzarik eskatzen, gure produktuaren prezio duina eskatzen dugu”, azaldu du Patxiku Irisarri EHNEko idazkari nagusiak. Hori bermatzeko erremienta existitzen dela ekarri du gogora: Elikagai katearen legea. Hura betez gero, prezioak duinduko liratekeela uste dute.
Supermerkatuan 0,69 ordaintzen da esnearengatik; hala, eta prezioa bikoiztu egiten da ustiategitik supermerkatura. 80 zentimora egon beharko lukeela uste dute.
Aurreikusi dutenez, hamabost egunetan %25 igoko da esnea ekoizteko gastua, eta egoera jasanezina bihurtuko da. “Datorren hilabetean nork segituko ahalko duen da zalantza esne ekoizleentzat”, adierazi du Irisarrik.