Ez naiz oroitzen noiztik ez naizen Moreara joan, honelako merkatal gune handiak ez baititut gogoko, baina ahalegina egin beharko dut, LKN nafar egileak egindako obren erakusketa ikusi nahi badut kendu baino lehen.
Kendu, aurreikusi baino lehen kenduko baitute, nonbait, hainbat pertsonak eta kutsu erlijioso elkarte batek egindako kexen ondorioz.
Agidanean, talde eta pertsona hauek ez dute adierazpen askatasunean sinisten eta zentsura egiteko boterea erakutsi dute.
Ez dute, besteak beste, sexu bereko bi pertsonak elkarri musu ematen ikusi nahi , ezta besteok ikustea ere. Ez dute Amaia Monteroren aurpegia birgin baten gorputzean ikusi nahi, ezta besteok ikustea ere. Finean, ez dute euren ideologiarekin bat ez datorrenik ikusi nahi. Eta besteok ikustea galarazi nahi dute.
Xedea lorturik: presioa egin dute eta lortu egin dute. Kendu eginen dute. Zentsura irabazle.
Baina nahi gabe, edo, agian, albo-ondorioa da, hainbatengan ikustera joateko gogora piztu izanen dute, polemika hauen ondorioetako bat jakin-mina izaten da eta erakusketa ikustera joateko asmorik ez genuenok orain joanen gara ikustera.
Martxoaren 22ra bitartean izanen da aukera obra ikusteko.