Gazteok askotan izaten gara, edo behintzat hala ikusarazi nahi dute, gobernu zein politikoen lehentasun gisa. Ez da hala gertatzen, aldiz, gure arazoak eskubide linguistikoei lotuak direnean. Kasu honetan egoera guztiz aldatzen baita, eta gazteok lehentasun bat izateaz oztopo gisa izatera pasatzen gara.
Egoera hau sufritzen ari gara nafar gazteok heziketa-profesionala zein unibertsitateko euskara eskaintza areagotzeko eskatzen dugunean. Egun, sinesgaitza badirudi ere, unibertsitatean euskaraz irakasgaiak hartzeak oztopo ikaragarria suposa diezaguke ikasleoi.
Zergatik gertatzen da hau? Euskaraz eskaintzen diren irakasgaiak, irakasgai guztien oso ehuneko txiki bat osatzen dutelako, eta honek klaseak goizez eta arratsaldez edukitzea dakar, askorentzako
bideraezina, eta, euskarazko eskaintza alde batez uztea ondorio duena.
Irakasgai bat euskaraz hartzeak ez digu inkordiorik suposatu behar, guztiz kontrakoa baizik. Gaztelaniazko ikasgaiekiko baldintza berdinetan sentiarazi behar gaitu eta gaur egun hori ez da gertatzen.
Ikasleok borrokatu behar dugu eta, politikoek, jardun.