Adin kontua da. Gero eta maizago beilatokira eta hilerrira goaz. Gure aurrekoek zioten ezagunak eta bizilagunak hil ondoren bizitza bukatzen zela. Ordua heldu zitzaiela. Ados.
Eta bitartean gertatzen diren heriotzak? Pertsona estimatuak edo hurbilekoak hiltzerakoan arrastoa uzten digute. Besteen heriotzaren ondoren, lehendabiziko orduetan, gure bizitza balantzara daramagu eta, sarritan, kezka eta aldaketarako asmoa marrazten dugu. Ia beti, kale egiteko.
Eta ondorengo egunetan zer? Askotan gertukoak izan ziren horiek erabat ahaztu egiten zaizkigu. Besteetan, aldiz, bestelako bizitzara datoz.
Herman Hessek idatzi zuen “Joan zirenak gurekin jarraitzen dute guregan sortu zuten eraginari esker. Batzuetan, beraiekin hobe hitz egin dezakegu bizirik direnekin baino”.