Begirada.
garbia nahi dut izan.
Negar egiteko, garden, tinko,
ditudan erraietako joan etorrietan.
Begirada
Garbia nahi dut
Gelditzeko. Begiek ozen
hitz egin dezaten
orain nagoen zurrunbilo gris hotzean.
Begirada. Garbia.
Isuri bihurtzeko, ur jauzia
izateko, handik honako bidaian bahituta naukan denbora huts,
agortu honetan.
Begirada.
Begi bihurtu. Enborzatitu
baten antza
zainak agerian dituena,
urteen eraztunak margotuak,
min guztien islada. Poz guztien erretratu.
Egoteko. Isiltasun gordinean. Egoteko.
Egoteko.