Ura garelako bizi gara
ura
ura garelako
itsura aldatzen doan isuri magikoa
zerutik behera, zorutik gora garraiatuz
bizia sortzen duen odol garden misterioz betea.
Ura garelako bizi gara, ura, ura garelako.
Lurraren zainetan barna bidaiatua.
Euri glaziar ibaietan marraztua.
Mendietako zaurien zizelkaren putzu sakon amaigabean
maizter ixila.
Gorputz biluztuen barneko izerdi emankorra.
Ura garelako bai, gara, ura garelako
ozeano zabalean jaio ginen.
Itsaso urrunetik umezurtz.
Bide guztiak miazkatuko ditugu berriz
umetoki zaharraren billa.
Zuhaitzen adar erro enborretan lokartuz.
Airearen azal zuria margotuz bidaiatuko gara.
Beharrezko diren mozorro guztiak gorpuztu materia ibiltari.
Ura garelako, ura, ura garelako, ura
Atalaiatik itsasoari so, oinatz bakoitzean itsaso ama helmuga.
Amets errealetan beti
Ura garelako, ura,
ura garelako, ura