Eraman gaituzte adarretatik
beraienak besterik ez ziren
gudetara.
Bortxaturik. Joan egin gara.
Arauek bultzatuak. Legeek zuzenduak.
Gure ubideak errepide egin dituzte.
Gure arimak bi-hotz huts bihurtu.
(Ginen) Mendietako ur jauzi basatiak
hirietako iturri geldi musikal bilakarazi gaituzte
ta haietan oinak sartzea debekatu.
Arnasa sakon osoa hartu ordez
bularretako mugimendu ikusezinak egitera behartu gaituzte
aire kutsatu manipulatuaren izpi bat irentsi nahian itoak.
Erakustokietan soilik ikus ditzakegu
gure irudi nekatuen isaladak;
Sare elektronikoetan baino ez,
gure lagun gezurretakoen erretratu urrunak.