Larunbatean 'Kantuak berbekaz bete' ikus-entzunezko bertso emanaldi-solasaldia eskainiko dute Igor Elortzak eta Rafa Ruedak Lizoain herriko Elizar kultur gunean, 18:30ean, Euskara Zerbitzuak antolaturik.
Duela urte eta erdi egile hauek sortu zuten Anonyme Popular egitasmoaren formatu txikiko emankizuna da hau. Bertso-jarriak eta euskal kantagintzaren baitan ulertzeko, kokatzeko eta bizitzeko proposamena da. Hitza eta ahotsa Igor Elortza Aranoak jartzen ditu, doinuak eta soinuak Rafa Rueda Etxeberriak, eta Kulturaz-eko dapatisten irudiak eta dirudiak.
Eliza izandako eta auzolagunek auzolanean moldatutako Elizar kultur gunean izanen da saioa. Sarrerak bertan erosi ahal izanen dira 10 euroan.
Igor Elortza eta Belen Ausejo Euskara Teknikaria Irrintzi Plazan izan ditugu solaskide.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
Bazkidetu zaitez!