Golem zinematokietan egiten ari den Zinema eta Zientzia zikloan film klasiko bat eman dute astearte honetan: ‘Bring up Baby’ Howard Hawks-ek 1938an egin zuena. Proiekzioaren ondorengo solasaldia gidatu du Idoia Mujika zientzia dibulgatzaileak eta fokoa jarri du zientzialarien figuran. Bere burbuilan eta lanari guztiz emana bizi den zientzilariaren eredu lehiakor eta maskulinoa ez da erakargarria belaunaldi gazteentzat eta ez du balio neskak zientziaren alorrera erakartzeko.
Idoia Mujika CSIC-Zientzia Ikerketarako Goi Zentroko ikerlaria eta EHUko Materialen Fisika Zentroko kimikaria da eta ikerkuntzaren dibulgatzaile lana egiten du. Emakumeen presentzia oso murritza zientziaren arloan eta erreferenteen falta da arrazoietako bat. Bestalde, dauden ereduak eta bikaintasuna neurtzeko parametroak birdefinitu behar direla azaldu digu. Emaitzak, argitalpenak eta kongresuak soilik begiratu beharrean, pertsona gustura egoteak izan beharko zuen helburu nagusietako bat eta horretarako mundu maskulinizatu honen funtzionamendu arauak aldatu behar direla gehitu du.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
Bazkidetu zaitez!
