Legez kanpokotzat jo dituzte goi tentsioko line biren proiektuak Ingurumen Ebaluazio Legea betetzen ez dutelako; irregularrak informazio eta parte hartzerik gabea delako: "Iruzurrean ere eror liteke, ebakuazio linea moduan tramitatzen ari direlako legea garraiobide linea den arren", azaldu du plataformako bozeramale Alberto Friasek.
Goi tentsioko linea horiek 24 herri eta eskualdetan izanen dute eragina, gutxienez. Errekurtsoa jarri dute eta kanpaina bat ere abiatuko dute. Alarma Gorria izenarekin, informazioa, kontzientziazioa eta mobilizazioa izanen dira ardatz nagusiak. Martxoaren 23an herri guztietan elkarretaratzeak eginen dituzte ikusarazi nahian proiektuaren kontrako jarrera dagoela. Apirilaren 27an Iruñera ekarriko dute protesta hori ekimen kultural aldarrikatzailean: herrietako egunerokotasuna islatuko dute Ohitura, kultura natura… Herriak bizirik goi tentsioko linearen gainetik leloarekin.