Etxeko langileen egoera jarriko du ikusmiran ELA sindikatuak Martxoaren 8an. Zaintzaren barruan, egoerarik prekarioenetan ari dira euren zeregina egiten. Nafarroan 7.000 langile baino gehiago ari dira lan horretan eta legezko estaldurarik gabe. Horregatik, Nafarroako Gobernuari etxeko langile horiei garbikuntza sektoreko hitzarmena aplika diezaiela eskatu du ELAk. "Emakumeak gehienak eta etorkinak. Gizartean balore txikiegia eman zaio zeregin horri, gehiegitan doan egindakoa izan da. Baldintza hobeak behar dituzte eta hori zaintza sistema publiko eta unibertsal batetik iritsiko da", esan du Silvia Guillen sindikatuko ordezkariak. "Zaintza sistema publikoa iristen ez den bitartean gutxieneko lan baldintzak behar dituzte", gaineratu du. Nafarroako Gobernuari etxeko langileei garbikuntza sektoreko hitzarmena aplikatzeko eskatu dio ELA sindikatuak gaur eskainitako agerraldian.
Ekitaldi nagusia, Gasteizen
Martxoaren 8an etxeko langileen egoera salatuko dute kalean. "Esplotazio egoerak onartzera kondenaturik egoten dira zenbaitetan etxeko langileak eta horrekin amaitu beharra dago", adierazi du Saioa Urriza sindikatuko kideak. Oinarrizko eskubideak aitortu behar zaizkiela uste dute eta hartara gobernuei eskatu diete arduraz joka dezatela eta eman diezazkietela dagozkien lan eskubideak. Martxoaren 8an ekitaldi nagusia Gasteizen eginen du ELAk Etxea lantokia denean; Convenio para todas. Ekiparazioa goiburuarekin.