Bi orduko lanuzteak egiten ari dira Nafarroako zahar etxe pribatuetako langileak. Ez gaur bakarrik, Martxoaren 12rako eta 16rako ere iragarri dituzte. "Nafarroako Gobernuarekin eta patronalarekin hiru urteko negoziazioa egiten ari gara baina etenda dago guztia. Patronalaren ordezkariek esan ziguten deituko zigutela hurrengo batzarrerako eta dei hori ez da iristen", jakinarazi du LAB sindikatuko ordezkari Maite Olanok. 5000 profesional ari dira zahar etxe pribatuetan lanean, gehienak emakumeak: "Lan baldintza kaskarrak dituzte, lan ordu asko sartu behar izaten dituzte eta gainera soldata txikiak dituzte", gogorarazi du Olanok. Horregatik, lanuzteak eginen dituzte euren egoera salatzeko. Maite Olanori Euskalerria Irratian egindako elkarrizketa osorik entzun daiteke argazkian klik eginda.
Maite Olano (LAB): "Zahar etxeetako hitzarmenaren negoziazioa erabat blokeatua dago"
Nafarroako zahar etxe pribatuetako langileak lanuzteak egitera deitu ditu LAB sindikatuak. "Hiru urte daramatzagu Nafarroako Gobernuarekin eta patronalarekin negoziatzen eta geldirik dago", salatu du Maite Olano LAB sindikatuko ordezkariak. Langileek euren lanpostuak bi orduz utziko dituzte salatzeko lan baldintza duinak behar dituztela eta soldata handiagoak. "Bertako lan hitzarmena behar dugu lan baldintzak ziurtatzeko", azaldu du Olanok.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
Bazkidetu zaitez!