UAGN eta UCAN azken egunotako mobilizazioen alde azaldu ziren atzo, horiek deitu dituena sare sozialen bitartez sortu duten Nafarroako Nekazarien eta Abeltzainen Mugimendua izanagatik ere.
Bilera bihar goizean eginen dute, eta Landa Garapen eta Ingurumen kontseilari Jose Mari Aierdik ez ezik Jose Luis Arasti Ogasun kontseilariak ere parte hartuko du.
Aierdiren helburua da aztertzea nola lagun dezakeen foru exekutiboak lehen sektorea, Espainiako Gobernuak zein Europako Batasunak haren aldarrikapenak onar ditzan.
Aierdik, halaber, iragarri du Kontseiluko kideen aldarrikapenak ez ezik Nekazarien eta Abeltzainen Mugimenduarenak ere aintzat hartuko dituela, errepide mapa bateratua adosteko xedearekin.