Joseba Ezeolaza Latorre da atzotik Comisiones Obreras sindikatuko komunikazio arduradun berria. Batzarreko kidea hautatu dute lan horretarako. Chechu Rodriguez izan da duela gutxi CCOO Nafarroako idazkari berri izendatua eta haren estrategia finkatzeko lanean ariko da Ezeolaza. Sindikatu guztiekin hitz egiteko nahia zuela adierazi zuen Rodriguezek eta baita alderdi politiko denekin ere.
Joseba Ezeolazaz
2007 eta 2011. urteen artean Nafarroako parlamentari izan zen Ezeolaza. Batzarreko eta Nafarroako Fusilatutakoen Senitartekoen Elkarteko kidea ere izan da urteotan. Apuntes de servilleta poema liburuaren egilea eta duela gutxi argitaratutako Camino Oscoz y otras historias del 36 izeneko liburuaren egilea. Sartagudako Memoriaren Parkea bultzatu zuenetakoa izan da Ezeolaza.
Euskalerria irratian ere iritziaren tartean hartzen du parte hamabostean behin.