Lan merkatuaren joera positiboaren adierazle dira langabezia datuak, Miguel Laparra Nafarroako Gobernuaren Gizarte Eskubideen presidenteordeak gaur adierazi duenez: 2017ko lehen hiruhilekoan 700 langabe gehiago dauden arren, horrek "urtaroen logika ziklikoa" dauka. Hala, urtetik urterako Populazioa Aktiboaren Inkestaren datuak “ikusgarriak” direla ziurtatu du Laparrak, izan ere, 12.200 langabe gutxiago daude, iazko datuekin alderatuta, %27,88ko jaitsierarekin.
Nafarroak %10,25eko langabezia dauka, hau da, estatuan langabezia tasa txikiena duen lurraldea da; are, atzetik daukan erkidegoak baino 1,6 puntu positiboagoa da datua.
Urtez urteko datuekin jarraituz, 276.000 langile daude Nafarroan lehen hiruhileko honetan, iaz baino 13.000 gehiago: %5ekoa izan da hazkundea, beraz. “Estatuan hazi denaren bikoitza hazi da Nafarroa”, Laparrak esan duenez.