Taberna liskar batengatik kartzelaratutako altsasuarrek bost hilabete daramatzate giltzapean, "muntaia politiko, mediatiko eta judizial batengatik". Horregatik, aska ditzaten eskatzeko Kulturaz aske jaialdia eginen dute asteburu honetan herrian bertan, Altsasun, Altsasukoak aske plataformak antolatuta.
Herrian "askatasunez" bizi nahi dutela aldarrikatu dute, halaber, bai eta "altsasuarren arteko elkarbizitza" bilatzen dutela ere. Adur Ramirez de Alda, Jokin Unamuno eta Oihan Ardanaz FIES erregimenen egoteaz gaindi, herritik 500 kilometrotara daudela eta beste zortzi altsasuar ere inputatuta dituztela esan dute Kulturaz aske jaialdiko arduradunek.
