"Segurtasun kontua da", esan du Iruñeko Mugikortasun zinegotzi Armando Cuencak, hiriko abiadura muga 30 kilometro orduko izatea proposatzekoan: bide bakarreko bideetan horrela da egun eta aldaketak, ondorioz, hiri autopistei eraginen lieke. Ingurumari berezian aurkeztu du proposamena, izan ere, 63 urteko emakume bat harrapatuta hil zen asteartean Iruñean, Sadar inguruan.
Udal gobernuari eginen dio zinegotziak proposamena, haren ustetan, administrazioak paper garrantzitsua baitu istripuak ekiditerakoan, are arduraren parte bat administrazioarena ere badela ziurtatu du.
"Ibilgailu pribatuari emandako tokia murriztu" egin behar dela aldarrikatu du, halaber, Cuencak, neurriak hika-mika sortuko duela jakinda.