Iruñerriko euskaldunon agerkaria
euskalerriairratia.eus

Emakume bat jazarri eta jo dute Ezkabarten

Euskalerria Irratia 2017-04-10 09:05   Gizartea  Nafarroa

Irurtzungo 21 urteko bizilagun bat atxilotu dute, biktimaren senarra. Erasoa gertatzen ari zen unean, bi urteko umea bide bazterrean aparkatutako autoan utzi zuen, bakarrik.

Emakume bat jazarri eta jo dute Ezkabarten
Foruzain bat bi urteko haurrarekin besotan. Arg: Nafarroako Gobernua | Ikusi handiago | Argazki originala

Emakume bat jazarri eta jo zuten atzo Ezkabarten, Nafarroan. Irurtzungo 21 urteko bizilagun bat atxilotu dute, biktimaren senarra. Erasoa gertatzen ari zen unean, bi urteko umea bide bazterrean aparkatutako autoan utzi zuen, bakarrik.

NA-4210 errepidean gertatu da erasoa, Ezkabarten. Lanean ari ez zen polizia batek bide bazterrean geldituta zegoen auto bat ikusi zuen, eta ondoren, gizon bat emakume bati joka eta segika ari zitzaiola.

Biktimak ihes egitea lortu eta laguntza eskatu zien handik pasatzen ari ziren autoei, nahiz eta ez zioten jaramon egin. Azkenik, poliziak artatu zuen emakumea, eta 112 zenbakira deitu zuen.

Autoan bikotearen bi urteko alaba zihoan. Ama eta alaba etxera eraman zituzten foruzainek.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa