Iruñerriko euskaldunon agerkaria
euskalerriairratia.eus

Erakusketak eta galaxiari buruzko filmak, Aste Santuan, Planetarioan

Euskalerria Irratia 2017-04-06 13:46   kultura  Nafarroa

Universo invisible proiekzioa izanen da berrikuntza nagusietako bat; zenbait proiekzioen ostean, eguneko zeruaren irudiak eskainiko dituzte.

Egitarau zabala aurkeztu du Iruñeko planetarioak Aste Santurako. Pelikulak, erakusketak, kanpaldiak… Hainbat proiekzio egonen dira: batzuk, haurrentzat propio eta beste batzuk, aldiz, adin guztietarako. Ildo horretan, Universo invisible pelikula izanen da aurtengo berrikuntzetako bat. Eskaintza osorik irakur daiteke Planetarioaren wbegunean. Egun batzuetan, filmen ostean, egunez eguneko zerua nola dagoen azalduko diete parte hartzaileei eta astronautekin ere zuzeneko konexioa eginen dute.

Horrez gainera, erakusketak izanen dira: Eguzki-erlojuei buruzkoa; Argazki astronomikoak tamainu handian; eta Astronomia "kontatzen diguten bezala".

Ez hori bakarrik, hiru kanpaldi ere antolatu dituzte: 3D inprimaketari buruzkoa; sumo-roboten ingurukoa eta astronomia kanpaldia.

Ekimen guztien inguruko informazio zehatza pamplonetario.org webgunean aurki daiteke.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa