Asteburuaren bueltan Iruñean jazotako eraso homofoboak gaitzesteko protesta ere izan zen atzo Lunes Lilas elkarteak indarkeria matxistaren aurka egin ohi duen asteleheneroko elkarretaratzea.
Instituzioei dagokienez, parlamentuak "elkartasuna eta babesa" agertu die erasotutakoei, UPN, Geroa Bai, EH Bildu, Ahal Dugu, PSN eta Ezkerra alderdi eta taldeek aurkeztutako deklarazioan. LGTB erasoen aurrean, "gaitzespenik irmoena" erakutsi du, gainera, legebiltzarrak, eta "borondatea" azaldu, "sexualitatea era askean eta anitzean bizitzeko gizartearen alde lan egiteko".
Iruñeko Udalaren kasuan, herritarrei dei egin zien, LGTB erasoak daudenean ez geratzeko "deus egin gabe" eta aldarria egin du, "LGTBI pertsonek beren erlazio, gorputz eta erlazioen inguruan erabakitzeko eskubidea gogoan".
Gauez eta eskapo eginda
Bi eraso izan dira eta baten inguruko datuak eman dira jakitera.
Iluntzeko 23:00ak zirela jasan zuen gazte batek erasoa, bikotekidearekin eskutik heldutik zihoala, Iruñeko Abejeras kalean: beste bi gaztek ukabilkada bat eman zioten eta korrika egin zuten eskapo. Udaltzainek ihes egin zuten gazteak identifikatu zituzten.
Gertatutako ikertzen ari da Iruñeko Udaltzaingoa.
