Pobrezia energetikoak jende asko kolpatzen du, "askotariko profiletakoak"; izan ere, errentaren %10 baino gehiago energia ordaintzeko bideratu behar dutenak dira txirotasun egoeran daudenak. Gurasoen etxetik joandako gazteak, zaharrak -eta bereziki emakumeak-, guraso bakarreko familiak... horiek dira kaltetutako batzuk. Iruñeko Udalak eman ditu datuok, Iruñeko pobrezia energetikoa aztertzeko txostena ardatz. Iruñean, 29.000 lagun bizi dira pobrezia energetikoan; Nafarroan, 96.000.
Horren aurrean, neurria porposatu ditu udalak: administrazioen arteko lankidatza handitzea; informazio, formazio eta aholkularitza programak indartzea; eta enpresa hornitzaileei "gardentasuna" exijitzea.
Hogei elkarrizketa sakon egin dituzte, lehen urrats gisan, hasierako fasean; ostean, auzoka, kuantifikazio lana egiteko asmoa azaldu du udalak.
Pobreziaren erroak
Askotarikoak dira pobrezia energetikoaren arrazoiak: pobrezia bera, baitatetik, baina, baita ere, etxebizitzaren egoera, energia industriaren inguruko ezjakintasuna eta horniketaren prezioa.
Iruñeko Udaletxearen arabera, etxebizitzen %60 berritu gabe daude eta, iaz, 2.258 diru laguntza eman zituen udalak. Horrek pobrezia energetikoaren egoera zein izan daitekeen pentsatzeko zantzuak eman dizkie, azken azterketaren faltan.