Apirilaren 1etik aurrera Batzarreko koordinatzaile, Batzorde Iraunkorreko zein kontseilu politikoko kide izateko hautagaitzak aurkezteko epea zabalduko dute. Emendakinak egiteko aukera ere izanen da; dena, ekainaren 16a baino lehen, orduantxe eginen baitu Batzarrek asanblada orokorra. Helburua: "ikusgarritasuna eta pisu soziala irabaztea". “Etorkizuneko Batzarra” eraiki nahi dute horrela.
Batzarreko kide Patricia Abadek esan duenez, "jende berria" sartu da, eta "garaiak aldatu" dira, beraz, egoera berrira "egokitzeko" urratsak egin nahi dituzte, "asanblada orokorraren bitartez".
Estatutuak, kodigo etikoa eta dokumentu politikoa izanen dira eraberrituko dituztenak. Gisa horretan, "giza baliabideak, gizarte ekintza eta barne antolakuntza" moldatuko dituzte.
Sinergien bila
Bestalde, gainontzeko alderdiekin izanen duten elkarlanari buruz galdetuta, "sinergiak beti" bilatu dituztela esan du Batzarreko partaide Joseba Ezeolazak.
