2 urteko espetxe zigorra, 3 urteko zaintzapeko askatasuna, 9 urteko gaitasungabetzea eta 4.800 euroko isuna eskatu ditu Fiskaltzak auzipetutako Gorka Labat, Oier Araiz eta Fernando Sota tafallarrentzat.
Dena, euskal presoen aldeko Tafallako jaietako brindisean parte hartzeagatik. Atzo pasa ziren epaile aurretik eta "terrorismoa goratu" ez zutela deklaratu zuten. "Pozik" geratu ziren deklaratu ostean,Berria egunkariak jakinarazi duenez. Nahiz eta jakin badakiten Auzitegi Nazionalean "edozer gauza" gerta litekeela.
Igandean, manifestazioa izan zen Tafallan, auzipetuekiko elkartasunez eta Iruñean ere brindisa egin zuten.
