'Terrorismoa' delitua zer den beste era baten definitu dadila eskatu du Nafarroako Parlamentuak, mozio baten bidez. Gorte Nagusiei zuzendu die eskaria, hain justu 2/2015 Legeak jasotako definizioa aldatzeko.
"Deigarria da ETAren mehatxua desagertu eta lau urte geroago, Estatuak aurreko legealdian zigor kodean terrorismo delituaren modifikazioa egitea, Alderdi Popularraren gehiengo absolutua baliatuta", adierazi du mozioak. Lauko taldeko kideen arabera, "lausoa" da terrorismo hitzaren definizioa. "Atzean erakunde bat egon gabe terrorismoa" egon litekeela gaitzetsi dute.
"Salbuespen politikaren barruan" daude adiezpide horiek, Geroa Baiko kide Unai Uhaldek esan duenez. Altsasu izan du gogoan parlamentariak, eta, esaterako, kasu horretan, hainbat legegegilek kontrako jarrera izan zutela gogorarazi du.