Torturaren biktimek Gobernuari eskatu diote aitortza eta erreparaziorako tresnak martxan jartzeko

Euskalerria Irratia 2017ko ots. 13a, 14:05

> Tortura eta haien ondorioak gainditzeko bidea egin dezala eskatu diote Foru Gobernuari. 
> Tortura sufritu duten pertsona guztiei dei egin diete bide hori bultzatzera eta euren testigantza ematera.

Iluntasunetik ateratzeko unea dela nabarmendu du Roxika Iriarte. Haren alboan zituen 1960tik 2010 urteen artean torturak pairatu dituzten nafarrak. Guztiek tortura gainditzeko eta ondorioei aurre egiteko bidea hartu dutela nabarmendu dute, besteak beste, euren testigantzen bitartez. Hala, erakundeei eta bereziko Foru Gobernuari eskatu diote "tresnak martxan jartzeko" tortura kasuak ikertu eta torturatuak izan diren herritarrak aitortzeko eta erreparatzeko. 

Iruñean salatu dituzte tortura kasuak. Nafarroan tortura sufritu duten pertsona guztiei dei egin diete bide hori hartzeko eta euren testigantza eskaintzeko. "Tortura iluntasunetik argitara ateratzeko garaia da", esan du Iriartek. Nafarroako Gobernuari aitortza eta erreparaziorako tresnak abiatzeko eskatu diote. 

EUSKALERRIA IRRATIAzale hori:

FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.

Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.

Izan ere, zenbat eta komunitate handiagoa, orduan eta proiektu komunikatibo eraginkorragoa.


Bazkidetu zaitez!