Elurrak eta euriak segituko dute datozen orduetan eta errepidean arretaz gidatzeko eskatu du Nafarroako Gobernuak. 600 metrotik gora egin dezake elurra eta Pirinioetan 35 zentimetro pilatu daitezke.
Bigarren mailako errepideak daude itxita: Belagua, Aralarko San Miguelekoa eta Artesiagakoa. Beste sei mendatetan kateak eramatea ezinbestekoa da. Sakanan, Uharte-Arakil parean bigarren mailako errepidea moztu egin dute Arakil ibaiak gainezka egin ondoren.