Uste baino urtebete lehenago bueltatuko die lauko gobernuak 2012ko aparteko ordainsaria langile publikoei. UPNk kendu zien, eta exekutibo berria konprometitu egin zen ordainketarekin; noiz izanen zen, baina, zalantza zen. Eta, azkenean, defizitak gora egin du, eta 'Ahal Dugu klausula'ri esker, akordio programatikoan agindutakoa bete du.
2012ko sariaren %50 faltan zuten funtzionarioek eta beste %25 aurreratzea zen asmoa, nahiakoa sosik ez baitzegoen. Posibloa izanen da orain, aldiz. Espainiako estatuak defizit altuagoa ofizial egiten badu, eta Hitzarmen Ekonomikoaren batzordean publiko egin, den dena ordainduko die Nafarroak sistema publikoaren beharginei.
Hautsak arrotzeko gai
Polemika piztu izan du aparteko ordainsariaren gaiak: UPNk berak kendu bazuen ere, erregionalistek ez dute arazorik izan polemika gai bihurtu eta gainerakoei leporatzeko ez dutela bueltatu.