Jantokitik Jangelara. Halako izena hartu du LAB sindikatuak aurrera eramanen duen egitasmo berriak.
Zertan datza? Ikastetxeetako otorduei erreparatu die. Azken urteotan asko aldatu dela iritzita, eta eredu hobea beharrezkoa dela uste dutenez, azterketa abian jarriko dute.
Lehenbizi, ikertu eginen dituzte ikastetxeetako jantokietan zer nolako elikagaiak eta zer nolako otorduak egiten dituzten haur eta gaztetxoek, eta hala, informazioa jasota, beharrezkoa balitz, aldaketak egitera bideratuko lukete egitasmoa.
Haur eskola eta lehen hezkuntzako ikastetxeetako jantokietako langileekin, gurasoekin eta irakasleekin hasiko dira gaia aztertzen. Jantokietako eredua aldatu, eta jangeletera bideratzeko bidea hasi dute.