Erkidegoko sarrerako kartelak bi eletan jarriko dituzte Nafarroan. Orain arte indarrean egon den jarraibidea aldatu dute, 2006an ezarri zuen jarraibide hori UPNk, eta zonifikazioa zuen oinarri: eremu euskaldunean eta mistoan, euskaraz eta gaztelaniaz; eremu ez-euskaldunean, gaztelaniaz soilik.
Gobernu berriaren ustetan, ordea, hori Euskararen Legearen aurkakoa da, toponimoak ofizialak direlako lurralde osoan.
Nafarroa sarrerako errepide seinale gehienak aldatu egin beharko dituzte. 67 kartel daude, eta horietako 45 gaztelaniaz bakarrik daude orain.