"Ez dugu inor atzean utziko" manifestua aurkeztu zuen atzo Gizarte Erakundeen Plataformak, Pobrezioaren Kontrako Nazioarteko Egunaren karietara.
Ruben Unanua eledunak datuak eskaini ditu: Nafarroan, 83.000 pertsona "bazterketa sozialaren mugan" bizi dira, eta horietatik 15.000 lagunek bizirauten dute 332 eurorekin hilero; munduan, 896 milioi dira "muturreko pobrezia" pairatzen dutenak. Horren guztiaren jakitun, "justizia fiskala" aldarrikatu dute.
Bestalde, "eskubide ekonomikoak, sozialak eta kulturalak" errespetatuko dituzten politikak behar dira, plataformaren aburuz.
Nafarroako hurrengo aurrekontuetan, Plataformak aurkeztutako testua aintzat har dezaten nahi dute, alderdi politiko guztien sostengua jaso baitu.
