Eremu autonomikoko 26. multiplexaren bitartez ikusten ahalko da ETB1 katea. ETB2 eta ETB3, ordea, eremu lokaleko multiplexenen bidez. Alegia, ETB2 eta ETB3 tokiko 5 multiplexetan dauden kanaleen bidez emitituko dituzte (Iruña, Tafalla, Lizarra, Zangoza eta Tutera), Nafarroako Gobernuak irailaren 7an hartutako erabakiaren bidez xedatu zen moduan.
Jarduera horiek guztiak egin dira Nafarroako Foru Komunitateak eta Euskal Autonomia Erkidegoak 2016ko uztailaren 15ean izenpetutako lankidetza-hitzarmenaren harira.
Uko egitea
Vaughan kateak haren telebista lizentziari uko egiteak ahalbidetu du, hein handi batean, kateen berrantolaketa.
Apirilean moztu zuten ETBren seinalea Nafarroan, erregionalisten gobernuak lotuta utzitako trikimailu bat medio.
