Berariazko segurtasun planak jarri beharko dituzte martxan zezenekin ekitaldiak dauzkaten herri guztiek. Plan horiek, gainera, Nafarroako Gobernuaren Barne Zuzendaritza Orokorraren oniritzia izan beharko dute.
"Indarrean dagoen araudia zaharberritzea" da xedea, bultzatzaileek azaldu dutenez, era horretan, "seguruagoak" bihurtuko baitira zezenak erdigunean jartzen dituzten espektakuluak.
Arriskua identifikatzea, neurtzea eta neurriak hartzea. Hiru elementu horiek dira lortu beharrekoak. Hala, tokian tokiko beharretara egokitutako araudiak sustatuko dituzte.
Bi urteko epea zehaztu dute egitasmoak garatzeko, eta, bitartean, orain arte bezala segituko dute espektakuluek.