Azedo eta Mirafuentesko haurrak gurasoen autoetan igotzen ziren, kilometro batzuk egin, eta Antzinen hartzen zuten, gero, Lizarrako eskolarako autobusa. Hori, egunero. Gurasoek eramaten zituztelako, horrek zekarren gastuarekin. Eta adibide bat baino ez da. Inguru horretako ume askok mugitu behar zuten garraioa lortzeko.
Egoera latz horretan, argi izpi bat sartu zen urte hasieran. Urtarrilean iritsi zen berria: Nafarroako Gobernuak "eremu ez euskaldun" deritzoten horretako herrietan ere autobus publikoa jartzeko konpromisoa hartu zuen. Hala, atzo lehenengo aldiz, herrian jaso zituen autobusak Oteitzako, Arroitzeko, Alloko, Mirafuentesko eta Azedoko umeak.
Aspaldiko aldarria
Gurasoek urteak zeramatzaten autobusaren beharra aldarrikatzen, lan handia baitzen seme alabak goizero inguruko herrietara eramatea. Oraingo lorpena, beraz, borroka horren ondorioa da.