"Kalte larria" eragin du atzo Orkoiengo Oneca enpresan izandako suteak lantegian, suhiltzaileek adierazi dutenez. Zauriturik ez da egon, ordea. 16:55etan jaso zen ezbeharra. Behargin batek autoa aparkatu zuen, eta aldageletara joan zen gero; dutxan zela keak inguratu zuen, eta atera ezinik geratu zen. Bi herritarrek ikusi zuten, zorionez. Laguntza eskaini eta leihotik atera zuten. Kea arnastu bazuen ere, onik dago.
Ez dago oso argi zerk eragin duen sutea. Litekeena da aparkatu berri zuen autoak su hartu izana, dena dela, hipotesi bat baino ez da.
Hamabi eta hamabost lagun artea aritzen dira fabrikan lanean. Enpresako nagusia poztu egin da zauritu larririk ez delako egon, eta zurgindegia "ahalik eta lasterren" martxan jarri nahi duela agindu du.