Nasuvinsa enpresa publikoak kudeatzen du alokairuan dauden etxeen poltsa. Etxebizitza huts bat daukan horrek eskain dezake haren jabetzaren alokairua enpresak alokairuan jar dezan. Trukean ordainketa zorroztasunez ordainduko dio Nasuvinsak etxea poltsan sartzen duenari, hilero hilero; egoera onean bueltatuko dio; eta higiezinarentzako asegurua kontratatuko du, zer gerta ere.
Gizarte Eskubideen Departamentuko buru Miguel Laparrak esan du 479 etxebizitza dauzkala gobernuak orain alokatuta, eta beste 400 gehitzea dela asmoa.
Eskatzaileei dagokienez, 4.200 lagunek nahi dute bizitoki bat alokairu erregimenean Nafarroan.
Gainera, eskatzaileen egoera ekonomikoaren arabera, diru laguntzak ere eskainiko dizkiete, prezio osoaren %90 arte ordaintzeko.