"Ez harresiek, ez eta hesiek ere, ez gaituzte bereiziko", esan zuten aho batez Iruñea Harrera Hiriak deituriko protestan bildutakoek, Europa, hiltzailea zioen pankartari eutsi bitartean. "Mediterraneoa, hobi komuna" izan zen entzun ahal izan zen beste leloetako bat.
Nafarroako presidenteak Filmotekan Europako Egunaren ingurumarian eskaini beharreko solasaldia probestu zuten, errefuxiatuen egoera salatzeko, eta ordezkari politikoei ardura eskatzeko.
Barkosek Europako erabakiak "era demokratikoan" hartzen direla esan zuen, herritarrak "europarrak izateagatik harro" egon beharko liratekeela azpimarratzearekin bat. "Harro egon beharko genuke, eta, noski, Europari gehiago exijitu beharko genioke".