Bi dekretu moldatu beharko ditu Nafarroak Madrilek helegitea kentzeko. Lehenengoa: 2015/20 foru dekretua. Horrek erregulatu zuen 2013ko, 2014ko eta 2015eko Lan Eskaintza Publikoa. Bigarrena: 23/2015 foru dekretua, suhiltzaileen 30 plaza gehiago deitzea onartu zuena.
Orain, 2015/20 dekretuari dagokionez, 2014ko plazak kendu beharko ditu Nafarroak: 378 postuetik, 286 postura pasako da. Alegia, 92 galduko dira. Hezkuntzari eta osasunari lotutako lanpostuak dira, bai eta suhiltzaileenak ere.
Suhiltzaileentzako 30 plazei eutsiko dio, aldiz.
Aukera "txarren artean ez horren txarra" dela defendatu du Maria Jose Beaumont kontseilariak. Sindikatuek aho batez eman dute ontzat proposamena.