Gurutze Plazako Instituko Hizkuntza eta Literatura Departamenduko Emilio Etxabarrenek proposatu zuen Arangurenen hautagaitza. Gaur prentsaurrekoa eskaini du, Ana Herrera Kultura sailburuarekin batera, eta bertan iragarri dute Aranguren izan dela saritua. 35 urtez aritu da Navarro Villosladako antzerki taldean.
Maiatzaren 28an emanen diote garaikurra, Erriberrin eginen duten ekitaldian. Ordutik aurrera, haren lana sustatzeko kanpaina jarriko du abian Nafarroako Gobernuak.
Beste hautagai batzuk ere izan dira aurtengoan: Pello Salaburu filologoa, Alfredo Sanzol idazlea, Isabel Villanueva biolin jotzailea, Maria Amor Begiristain arkeologoa, Concha Martinez eta Jose Lainez koreografoak, IPES Elkartea, Miguel Etxauri margolaria eta Helena Taberna zinegilea.